搜尋此網誌

載入中…

2012年7月15日 星期日

!!十問港人,網文,針針見血!!

!!十問港人,網文,針針見血!!

有人彈,亦有人讚,這是香港怪現象,你以為如何?

1.回歸15年,誰在香港最冇言論自由?係中央,佢打個吃嚏都比港人鬥爆叫佢收皮... 有人話,中聯辦就快連行出街都比人告遊蕩罪。

2.雙非嬰 - 呢個漏洞係香港自己一手造成。中央曾話過父母無居港權係香港生既BB都一樣無;係港府/法院自己死執住莊豐源案話有,先搞到今日田地。衰D講,蝗蟲災難唔係中央指使入侵,係港人自己傻仔打開後門叫人入黎。

3.中央當年應承左2012年普選,係何俊仁帶頭做枱底交易話要2017。點解?特首選舉已比晒答案你。

4.邊個逞英雄幫賓賓搞居港權?係公民黨。但雙非嬰問題上呢班政棍有好似幫賓賓咁落力實質做D野幫港人同政府爭取過咩?而阻撓實行最低工資最賣力係邊個?係地產黨既立會代言人。

5.點解咁抗拒梁振英做特首呢?唔係口口聲聲成日話政府弱勢對住班有錢佬冇符咩?依家終於有個唔賣有錢佬賬既強人出現,你地又唔要.... 究竟想點?

6.幾年前東江乾涸,廣東省人勒緊褲頭捱制水,中央都唔肯減少一滴供水比香港;你地諗住抗議班人當年有幾多個自動節約用水同國家共渡時艱?

7.香港有冇犧生小我完成大我既精神去配合國家既鐵路發展?當全國省市已積極配合動工甚至通車時,菜田村仲係度為雞蒜咁大塊地拗餐懵。中央有哼過你地一句咩?

8.自由行係邊個要求嘅?係港人!因為沙士後百業蕭條,要靠大陸泵水。亦係港人要求CEPA攞著數嘅。

9.港府自己犯賤死撐自駕遊,港人大力反對下,中央即刻妥協話大陸D車唔落黎但香港D車可上去。你估大陸城市塞車唔嚴重咩?

10.今次選舉爛攤子,邊個出黎執手尾? 執完仲要比你地鬧干預。我想問下希望流選既人,有冇仔細諗過流選後邊個先最適合做特首?同埋香港已經咁分化,你有信心7.1交接前大家可以有共識?

15年來,中央對港人做過咩衰野,要如此不共戴天處處撐到行?佢有無殺左你全家?佢盡力比最大利益錫住你,你又為佢做過D乜?我寫完自己都覺慚愧,中央好委屈。佢做野比人鬧干預,唔做比人鬧唔撐... 香港小市民, 共產黨從無係你手上榨取過一分一毫,搾乾你地既係班地產黨、賣港賊、同貪曾政權。中央比既所有利益佢地蠶食晒,但就中下階層付出代價。民怨沸騰時就擺中央上枱話佢會出坦克鎮壓市民;你地係咪仲做無恥之徒既棋子行出去反梁振英?點解班土豪咁怕佢?因為梁生要佢地嘔番比我地呀!土豪最叻用普遍人怕中共心理想將佢拉落馬,你仲要中佢地計?香港而家係需要分化定齊心?請用良知去做正確選擇。多多得罪了!
================

港人港鐵搶座,誤罵新加坡人為「大陸婆」(附視頻)

实拍 : 一香港女子在地鐵搶座位,還踩到小孩腳。小孩母子說普通話,香港女子誤以為對方是內地人,非但沒有道歉,更反唇相譏,罵人是「大陸婆」、「無家教」--唉,不幸地,原來對方是新加坡人。
視頻中的香港人「有病」。部份香港人,所病非輕。
年青人及青少年宜把這則新聞配合《十問港人》閱讀,反思之。
未來是屬於你們的,不要受上一代「有病」的香港人洗腦。
最近感受至深的一句話是:愛國,不是政治立場的選擇,是做人的操守。

2 則留言: