搜尋此網誌

載入中…

2016年2月14日 星期日

「請讓警察休息」(撐我,就讓我休息一下吧)

「請讓警察休息」(撐我,就讓我休息一下吧)
---------------------------

年初二凌晨,旺角街頭發生自前年違法佔中以來最嚴重嘅暴動,本土派暴徒籍維護無牌熟食小販為名,以木棍、削尖木棒、卡板、垃圾桶及磚頭,瘋狂向警務人員施襲,導致多名警務人員及傳媒工作者受傷,其中一名交通警察為保護受傷倒地嘅同袍,被逼向天開槍示警,現場恍似伊拉克一般,霎時間變成戰場,筆者和一眾愛國愛港同心對暴徒無法無天嘅行為感到極度憤怒,立即在年初三早上齊齊前往警察總部集會,表達對警察嘅支持。
從群組中得知,有網民搞撐警大遊行,從尖沙咀鐘樓遊行至旺角警署,筆者認為,既然年初三已經表達咗,毋須再勞師動眾再搞多一次,前線警務人員已經身心俱疲,唔好再增加佢哋嘅工作量,請讓警察好好休息!
身為理性嘅香港人,對年初二旺角發生暴亂感到義憤填膺,前線警務人員在裝備不足下仍然奮力迎戰而導致受傷,其專業態度值得肯定,我哋小市民支持警察嚴正執法實屬正常。
旺角係高危地方,由尖沙咀鐘樓行去旺角警署路途遙遠,警方事前要安排人手維持秩序,當中大有機會抽調駐紮旺角嘅警務人員監察大遊行,確保不出亂子,無疑削弱了旺角嘅警力,萬一暴徒再次發難,令前線警務人員再受傷害,大家是否擔當得起?筆者認同撐警係正確,但地點不適合之餘亦冇必要在短時間內再搞多一次,各位前線警務人員已經好攰,心力交瘁,無謂再額外增加佢哋嘅工作量!
其實撐警方法多的是,可以舉辦街站或網上簽名,甚至發電郵慰問,同樣可以發揮作用,唔需要每次都要勞師動眾大動員上陣,可以用一個既聰明又唔會太過令警隊勞累嘅方法去支持,畢竟要審時度勢,不能墨守成規!
最後希望各位支持警察嘅市民可以考慮筆者嘅意見!
嘉偉 13/2/2016


沒有留言:

張貼留言