香港，赤裸裸地玩陰謀與諜戰！！泛政治化下的社運既不高尚也不純情。－中學教師用六四蠱惑青年，趙恩來潛伏田北辰身邊四年

中學老師啟蒙六四

侍候田北辰四年　支聯會玩無間道

香港，赤裸裸地玩陰謀與諜戰！！泛政治化下的社運既不高尚也不純情。

加上外國力量介入，大家小心自己仍讀中學的子女。

--------------------------

【按：以下是高登網內貼出的《壹週刊》1212期內容，未知是否全文。──當然，以下的描述是黎智英系的敘述口吻及角度。對趙恩來之美化、作大與摻假的部份，自行判斷。

讀時，且體會當中反映的──香港凶險！

警察「無間道」是為了滅罪，而趙恩來（表面上）只是為了政黨政治，原因及手段一點也不高尚，根本不可以跟警察「無間道」相比。「對聘請他的人不忠不義」絕對是醜惡欺詐，社會不可以非為是！！──政治之外，香港的價值觀及基本道德標準在淪喪。泛政治化下的香港充滿偽善的政客及準政客，心態扭曲，英雄感上腦。

六四，絕對應該直面，讓青少年閱讀雙方材料！避開六四，只會令它抽空內容成了個符號，蠱惑滿腦「英雄感」的無知青年。】

電影《無間道》中，飾演「傻強」的杜汶澤說：「如果有人明明做緊一啲嘢，又心不在焉咁望住其他人做另一啲嘢，佢一定係臥底。」

幸好，支聯會青年組義工趙恩來潛伏新民黨副主席田北辰身邊四年，工作一直全力以赴，沒有一刻心不在焉，更替田二少屢建奇功，就算每年六月四日請假，低調做六四悼念活動的義工，也沒有被識破無間道身份。直至「西環」出手，新民黨及田二少才如夢初醒，阿來去年底終「被辭職」。

現年廿七歲、其貌不揚的阿來是田二少的選舉功臣，更連續三年隨田出席人大會議，廣結北京官員。他臥薪嘗膽，只為了解北京及建制派的選舉部署，再轉告泛民。鼓勵他做無間道的，原來是已故支聯會主席司徒華。

週日，支聯會舉行六四二十四周年紀念遊行，阿來身穿黑衣，手臂扣着「糾察」布帶，在遊行的「龍頭」維持秩序。遊行結束，支聯會主席李卓人接受傳媒採訪，阿來站在他身後齊齊上鏡。這是他加入支聯會十二年來，首次如此高調在鎂光燈下曝光。

過去四年守在田二少身邊，阿來自嘲是一個「吹脹咗嘅波」，因為車出車入食得好。本年初過檔工黨至今，他明顯消瘦，腰圍由三十四吋減至三十一吋，當然人工亦減了大半。上週五，阿來返回中學母校擔任畢業禮嘉賓，他的啟蒙老師、佔領中環「先頭部隊」張銳輝直言曾懷疑阿來是否臥底，「因為佢一直以來都咁投入支聯會，後來佢話去做（田北辰助理），我都有問佢係咪做無間道，定係為錢。」

阿來轉投敵營，源於一個偶然機會，「○八年大學畢業後漁翁撒網搵工，見到 G2000請公共事務行政助理，人工得四位數字，但都試吓。見工時人事部講明做乜嘢，就係老闆（田北辰）想捲土重來，再選立法會。可能因為我做過傳媒，又熟政治，就有 offer俾我。我冇即時應承佢，因為心情好矛盾，咁啱清明節有個支聯會活動見到司徒華，我問佢應唔應該入去做，好記得華叔當時同我講，每一個人喺社會唔同崗位都可以為公義、民主發展出一分力，你咪諗吓入去有咩可以貢獻香港囉。」

潛伏

就是華叔一句話，阿來踏入無間地獄，一做四年。「我嗰時諗，田二少當時係自由黨中常委，算係建制派身邊嘅人，認識吓建制派點操作、啲人係點，都係一件好事。其間我 keep住同華叔接觸，久唔久飲吓茶，亦會講俾佢知中央點睇政改、建制派點協調、選舉有咩部署等。」阿來跟現實版的黃志誠警司見面不用走上商廈天台，但兩人接觸必須保持低調。

田北辰○八年敗選立法會後，身邊智囊作鳥獸散，阿來的出現變成田北辰再戰議會的希望。「我幫佢𢱑咗《信報》、《am730》專欄返嚟，寫吓佢對時事嘅睇法，其實嗰個『田北辰』係我嚟嘅，我幫佢寫咗一年。」阿來承認有私心，經常利用田老闆港區人大代表的身份擦邊球，例如○九年在報章撰文，督促北京維護香港記者內地採訪權利；去年中說服老闆兩度致函人大常委會，要求調查李旺陽事件。阿來這個無間道，間接替田二少博得公眾好感，「我覺得呢啲先係人講嘅說話……有時佢太忙冇時間睇文，我哋寫嘅嘢，可以蒙混過關。」

為田北辰贏得掌聲，阿來晉升至傳訊經理。及後他不單游說田北辰在一○年底「大家樂飯鐘錢」事件後與自由黨割席，營造良心僱主形象，更說服田一一年底參加港台節目《窮富翁大作戰》，為他鋪路加入扶貧委員會。

去年初，阿來轉到田北辰任副主席的新民黨，擔任地區發展經理。前年區議會選舉及去年立法會選舉，田空降荃灣愉景新城及新界西並成功當選，阿來功不可沒。「我同佢講，要贏就要比現任區議員更勤力，結果砌低民主黨區議員，有民主黨高層話我知，新西嗰幾個區議員依家仍然好憎我。」

掙扎

替建制派打工，阿來少不免面對道德上的掙扎，「舊年年初，有鄉下佬搵過田北辰賣票，係立法會嘅『鐵票』，嗰餐飯我都喺度。之後我同佢講，呢個係道德問題，唔可以咁做，算唔算係我說服呢？我唔知，不過佢應該有去舉報。」田北辰宣布參選後，曾公開表示「一口拒絕」賄選，打造廉潔形象。

查實阿來由一○年至一二年亦有隨田北辰到北京出席人大會議，認識不少大陸高官及中間人，他建議田北辰在小組會議中，與領導人談及商界做生意，中間夾雜香港問題、中港矛盾、港人在內地受到不公平對待等等問題。一切部署，不單為田北辰洗去銅臭味，議題亦可乘機摻入公義。

雖然阿來成功取得部分中間人信任，但擅長間諜戰的北京豈會不知阿來的支聯會背景。「一○年我同朋友去上海參觀世博，臨走嗰日有一班國安走去我哋酒店房，大概係同我講『香港的事香港做，在大陸不要做香港的事』，其實佢哋應該跟咗我幾日，以為我做支聯會嘅嘢。」

解脫

轉投工黨後，阿來「咁啱」被安排到田北辰區會選區、荃灣愉景新城做地區工作，擺明「挑機」。

臥底生涯不一定「三年又三年」。擅長間諜戰的北京一直觀察阿來，只有田二少蒙在鼓裡。阿來估計去年中共十八大換屆後，維穩要做得更好，中聯辦遂向新民黨踢爆阿來的真正身份，「舊年十一月尾，新民黨個 CEO打嚟叫我返公司，無故話我管理不善、盤數唔清楚、人事關係唔好。其實都係藉口，我估到發生咩事，咪自己辭職囉。唔夠一個鐘，所有 facebook、 email都改晒密碼，三個鐘之後連新民黨辦公室門鎖都換埋，我下面嘅幾條𡃁都好無辜咁俾人炒。當晚有港澳辦的人打過俾我，我冇聽電話。」

本週二，記者到立法會向田北辰查詢阿來做無間道一事，他表現平淡，未有露出詫異之情，聲稱阿來因賬目混亂而離開，「佢完全冇講過佢係支聯會，依家我係第一次知。佢做嘢都幾勤力，但幾似我，幾難相處。」

今年一月底，阿來轉投工黨，擔任李卓人議員辦事處社區主任，重見光明。陳永仁做臥底擔驚受怕，受盡委屈，阿來感同身受，「頭一兩年，泛民班朋友唔知頭唔知路，覺得我變節，真係有寃無路訴，唔通同佢哋講我係臥底咩！選舉期間撞到佢哋就最難受，嗰時又擔心俾人踢爆會有咩後果。後來我諗到個藉口，話自己打工為錢囉，唔多唔少都覺得委屈……呢幾年來，只有幾個支聯會嘅知己知我做緊乜，佢哋好口密嘅。」

擔任田北辰的助理，算是高薪厚職。若阿來沒被踢爆無間道身份，有否想過從此替建制派打工？「我一直冇做新民黨黨員，連立會投票我都係投李卓人。田二少出嘅人工好高㗎，等於同齡嘅人做政務主任嘅人工，而且俾錢叫人做嘢就得，點似得依家咁，自己拖住啲物資搭巴士掛 banner？喺佢嗰度做嘢，對我嚟講係成長，好難有個黨咁信任你，俾你揸大旗。不過做建制派好可憐，驚得失阿爺唔知有咩後果，喪失自由意志。好彩佢炒我咋，我覺得原來係一種解脫。」

中學老師啟蒙六四

上週五，阿來（右）返回母校擔任畢業禮嘉賓，與啟蒙老師張銳輝（左）及佔領中環發起人戴耀廷（中）談笑風生。

阿來投身支聯會，力撐香港及中國民主發展，一切因張銳輝而起，「佢每一年都喺學校搞六四活動，又帶學生去六四集會。○一年我第一次參加六四遊行同燭光集會，加入支聯會新成立嘅青年組。我哋一班後生仔女成日走埋一齊討論時事，包括周澄、丘文俊（沙田區議員）等。如果冇張銳輝，我可能唔會踏上呢條路。」

六四事件引發阿來思考社會公義，往後他當上中學學生會主席參與校政，更在城市大學修讀政策及行政學士學位，及到美國當交流生，選修社會運動、國際政治經濟學等，在知識層面追求民主，連大學論文都以「共產黨的政治合法性」為題，探討中共為何至今仍未崩潰瓦解。與此同時，他在 now電視台兼職節目助理，參與時事節目《大鳴大放》的製作，與當時上司湛國揚討論政情，獲益不少。阿來積極裝備自己，難怪潛伏田北辰身邊四年，可以瞞天過海。

【批註：六四前（注意，是「前」），被不明身份的暴民殺死的軍人，又有誰為他們悼念？！六四之前的北京城，究竟發生了甚麼？】